呢個博客搞邊科?

是咁的， 番工又好， 行街又好， 總係見到唔少人(包括自己)， 做啲野都十分之揸流攤， 所以開呢個博客黎收集生活上揸流攤嘅事件， 以警效攸。 當然， 我自己做野都會揸流攤， 呢個博客更加可能會做得好揸流攤， 所以如果遇到打錯字， 揸流攤嘅地方， 請多多指正， 以杜絕揸流攤。

咩叫 "揸流攤"？

畢竟我都唔係嘢粵語專家， 所以都係俾條超連結你哋慢慢學習， 不過如果無時間睇，
我剪咗一句出黎， 總括咗"揸流攤" 嘅意思：

意思是未盡全力去做好一件事

視頻: 揸流攤 潮爆粵語 12月13日

點解呢度嘅嘢都係用(粵語)口語？

因為我最熟嘅就係口語， 我唔係唔識打白話文， 而係我覺得個博客用得個粵語名， 入面打(粵語)口語都好夾啫， 我又唔係考試， 又唔係教小朋友寫嘢， 無咩大害卦。 下一篇會用白話文啦。

你好無聊丫! 做咩無事搵事黎搞？
可能你覺得係， 我自己都相信係。 我亦相信無一個想被指為"揸流攤"。 我要重複多一次， 只希望收集眾多"揸流攤"事件， 黎等大家留意更多"揸流攤"事件， 等大家可以下次小心一啲。